Categories
#ՔԱՂԱՔԱԿԱՆՈՒԹՅՈՒՆ Լրահոս - Լուրեր Հայաստանից

ՀԱՅԱՍՏԱՆՈՒՄ ԱՄՆ-Ի ՆԱԽԿԻՆ ԴԵՍՊԱՆԸ ՆԱԽԱԳԱՀ ԹՐԱՄՓԻ ԻՄՊԻՉՄԵՆՏԻ ԳՈՐԾՈՎ ՎԿԱ Է ԴԱՐՁԵԼ

ԱՄՆ-ի նախագահ Դոնալդ Թրամփին հանգիստ ապրել չի հաջողվում։ Արդեն որերորդ ամիսն է՝ դեմոկրատները նրանից իմպիչմենտ են պահանջում։

Եվ ահա՝ Թրամփի՝ ոչ մեծաքանակ բաց վկաների շարքում է հայտնվել տխրահռչակ Մարի Յովանովիչը։ Հայատսանում նրան լավ են հիշում։ Երեք տարի (2008-11) ռուսերենին լավ տիրապետող ամերիկուհին այստեղ ԱՄՆ-ի դեսպանն էր, բայց չկարողացավ լեզու գտնել հայերի հետ՝ գլխավոր՝  Ցեղասպանության ճանաչման հարցում։ Նա այդպես էլ չարտասանեց այդ բառը երեք տարիների ընթացքում՝ քողարկվելով «Մեծ Եղեռն» ձևակերպման տակ, և չհմայվելով տեղական մշակույթով, ինչպես դա արել էին շատ դիվանագետներ։

Նրա դիրքորոշումը բազմիցս քննադատվել է Միացյալ Նահանգների հայ համայնքի կողմից, որը չէր վախենում քաղաքական ճնշումներից․ չէ՞ որ Յովանովիչն աշխատավարձ էր ստանում այդ թվում և իրենց վճարած հարկերից։

Ավելի ուշ WikiLeaks-ի միջոցով հայտնի դարձավ  Յովանովիչի գաղտնի զեկույցը․ որում հենց ինքն է սուր քննադատում մեր Սփյուռքին։

Եվ ահա՝ այս ոչ միանշանակ տիկինն այժմ վկայություն է տալիս Թրամփի դեմ՝ մեղադրելով նրան կոռուպցիոն համակարգի համար, որի համար նա արդեն արժանացել է  պատասխան զայթույթի։

Եվ գիտե՞ք, ով բերեց Մարիին որպես իր «աստղային» վկա․ Ադամ Շիֆֆը, ով կոնգրեսում ներկայացնում է Կալիֆորնիայի 28-րդ օկրուգը։ Այո-այո, դա ամենահայկական օկրուգն է Ամերիկայում, որը միացնում է Գլենդելն ու Փոքր Հայաստանը։ Այնպես որ՝  ամերիկահայերի ոչ սիրահարն այժմ արցունքոտ աչքերով պաշտպանում է հենց նրանց իրավունքները:

Կիսվել